Þá getur Ríkistjórnin farið.

Mikið yrði það nú gott ef að betri samningur fengist, segir okkar að þá fer þessi Ríkistjórn í burt.

Þetta er búið að vera klúður út í eitt. Það er alveg sama hvað margir rísa upp og segja okkur að þetta er ekki okkar skuld þessi Icesave reikningur þá snýst allt um hjá Ríkistjórninni að láta okkur borga hann. Það á að fara dómstólaleiðina með þetta Icesave mál hið fyrsta.

En góðu fréttirnar hljóta að vera að þá verður þessi Ríkistjórn að standa við orð sín og víkja vegna þessa hið snarasta.

Það er verið að grafa undan öllu hérna í landinu án þess að nokkur stoð komi á móti, og það er ekki hægt lengur að horfa á. Það á ekkert að gera fyrir fólkið sem kaus þessa Ríkistjórn í góðri trú útá kosningarloforðin sem reyndust svo ein mestu svik sem um getur. Vanhæf Ríkistjórn með vanhæfan Forsætisráðherra sem er búin að gefa það frá sér að henni koma fjármál Íslendinga ekkert við.   

Höldum vöku okkar þetta er Íslandið okkar og við Þjóðin.  Kveðja

Vekur von um árangur í Icesave

Hneyksluð...

Þetta er með ólíkindum allt saman, það er allt búið að snúast um Icesave og aðildarviðræður inn í ESB hjá Forsætisráðherra okkar og á sama tíma og við erum að lesa í fréttum að þjóðin er að flýja í þúsunda talið frá landinu vegna þess að það er hægt og rólega verið að grafa undan fjölskyldunum í landinu.

Það sem ég vil vita áður en lengra er haldið, hvað er þetta ESB ferli búið að kosta Íslensku þjóðina í krónutölu...

Það er búið að draga okkur Íslendinga á asnaeyrunum af þessari Ríkistjórn í loforðum um þetta og hitt. Það var lofuð skjaldborg utanum heimilin og ekkert bólar á henni, ár liðið og rúmlega það og það er en verið að lofa skjaldborg út í loftið. Það er en verið að reyna að troða þessum Icesave á herðar okkar, sem er ekki okkar að borga...

Hvaða Ríkistjórn var það sem tók þá ákvörðun að við skattgreiðendur skyldum borga þennan Icesave reikning frekar en þeir sem eiga hann með réttu... Þetta er spurning sem mig langar að fá svar við ef einhver getur svarað...

Það sem á að gera núna er að við fáum að kjósa um það hvort við viljum inn í þessar aðildarviðræður ESB eða ekki.

Jóhanna Sigurðardóttir lofaði þjóðinni því að tvöföld yrði sú atkvæðagreiðsla ef það væri það sem þjóðin vildi og núna finnst mér tími áður en lengra verður haldið að stoppa og sjá hvar púlsinn er hjá þjóðinni í þessu. Það hefur verið hörð andstaða hjá meiri part þjóðarinnar fyrir þessari aðild frá upphafi. Það er búið að stoppa þessa umræðu um þjóðaratkvæðagreiðslu á þessu máli áður í formi þess að það væri ekki til fjármagn í hana og það gerði Forsætisráðherra sjálf. 

Ég vil ekki þarna inn og segi að við höfum ekkert að gera þarna inn, og fyrir mér þá er verið að eyða fjármunum sem við höfum ekki efni á, á sama tíma og fólk er að missa og labba úr eigum sínum vegna þessa hruns og vegna þess að Ríkistjórnin gerir ekkert fyrir þjóð sína og ber fyrir sér peningaskorti meðal annars, svo en og aftur ég vil fá að vita hvað þetta ferli er búið að kosta okkur Íslendinga...

Mér nægir að hugsa til þess að það verði hægt að kalla ungdóminn okkar til herskyldu ef til þyrfti og þá væntanlega í stríðsþáttöku líka og það vil ég ekki minni þjóð. Svo bara vegna þessa litla atriðis þá er nei komið hjá mér, mér nægir líka að hugsa til þess að stjórnun okkar mun færast til Brussel og við þá bundin af að taka þeim tilskipunum sem þaðan koma, og hvort sem þær henta okkur eða ekki þá verður það ekki málið heldur hver sé þörfin fyrir ESB. Svo Nei verður það hjá mér og ég vil að við fáum að segja hug okkar áður en lengra er haldið. Höldum vöku okkar hérna það er mikilvægt. Nei ESB segi ég.     Kveðja.

Munu mæla með aðildarviðræðum

Sammála honum.

Ég er bara svo innilega sammála honum Sigmundi Davíð hérna í þessu, það er með ólíkindum að Fjármálaráðherra skuli stíga fram og gefa frá sér þessi ummæli einkum þar sem hann er nýlega búinn að gefa það frá sér sjálfur og óska eftir við fréttamenn að engin fréttaflutningur væri æskilegur í bili vegna viðkvæmrar stöðu sem Icesave væri í þessa dagana.

Það kæmi mér ekki á óvart að Bretar og Hollendingar gefi það frá sér að ákveðið verði að bíða með allar nýjar samningsviðræður þar til niðurstöðu úr þjóðaratkvæðagreiðslunni liggi fyrir. Það táknar ekki nei.

Það liggur við að maður spyrji sig hvað heldur Ríkistjórnin eiginlega að Bretar og Hollendingar séu... Þeir eru búnir að gefa það út að þeir treysti ekki núverandi Ríkistjórn og ætli að bíða þar til þjóðin hefur sagt sitt orð. Forsetinn er búinn að setja þetta Icesave í hendur okkar Þjóðarinnar svo maður spyr hvað er eiginlega í gangi... 

Höldum vöku okkar það er mikilvægt núna. Við erum Sjálfstæð þjóð og vitum mun á réttu og röngu flest okkar. Þetta er stórt siðferðismál líka fyrir okkur og það er mikið.  Kveðja.

Furðar sig á ummælum fjármálaráðherra

Maðurinn sjálfur.

Hvað er maðurinn að hugsa eiginlega er það fyrsta sem mér dettur í hug.

Maðurinn sjálfur sem er búinn að vera að hafa það í hámæli að ÖLL umræða um Icesave sé ekki góð núna. Málið á viðkvæmum punkti takk fyrir. Ef þetta Icesave er eða hefur einhvern tímann verið á viðkvæmum punkti þá er það núna skynja ég og örugglega ekki ein um það, svo ég spyr hvað er maðurinn sjálfur að hugsa...

Það er auðséð fyrir mér hvað vakir fyrir honum og það er eigin hagsmunir vegna allra þessara stóru orða sem hann Fjármálaráðherra Íslendinga er búinn að láta frá sér fara vegna þessa Icesave. Það yrði alveg hræðilegt fyrir hann sem og Ríkistjórnina ef það fengist betri lánasamningur. Þau eru ósjaldan búinn að gefa það frá sér að betri samningur verði ekki fengin en sá sem þjóðin er að hafna. Þau eru líka búinn að vera mjög vilja glöð í að segja okkur að þau fari frá ef við samþykkjum ekki þetta Icesave og setjum okkur í ánauð sem er þegar byrjuð. Nei þetta viðtal eru honum til skammar sem og okkur. Þessi Ríkistjórn ætti að taka pokann sinn tafarlaust og víkja, þessi framkoma sem hún er búinn að sína okkur þjóð sinni er alveg til háborinnar skammar.

STANDIÐ VIÐ STÓRU ORÐIN YKKAR RÍKISTJÓRN TAFARLAUST.       Kveðja.

Hóflega bjartsýnn

Hetjur.

Þetta eru hetjur í mínum augum.

Menn sem gera allt til að bjarga mannslífum eiga Fálkaorðuna skilið, þessir menn sem og Lögreglan og Slökkvilið þurfa að vera viðbúnir því að geta mætt öllu í allri sinni mynd ef því er að skipta og brugðist rétt við og þarf sterk bein í svona. Það er ljóst að við Íslendingar eigum Björgunarsveit sem er á heimsmælikvarða í styrk og þoli. Það er líka allveg ljóst að það fer ekki alltaf svona vel eins og gerði núna og hafa skjót og góð viðbrögð haft allt sitt að segja hérna.

Til hamingju allir sem stóðu að þessari leit fyrir góðan endir í þetta sinn hann er ekki sjálfsagður.  Kveðja.

„Við sáum þarna þúst“

Er þetta í lagi...

Gildin okkar í lífinu hafa mikið að segja, og segja sumir að þau hafi allt að segja. Hvað er rétt og hvað er rangt er mikilvægt að komi fram. Að bankaelítan geti ekki lengur komist upp með það að láta heimilin í landinu gjalda endalaust fyrir lélega stjórnun og kunnáttuleysi í lögum, og  tölum ekki um að geta komist upp með það að geta farið á bak við lögin vegna þess að það hentaði ekki nógu vel að fylgja þeim, gaf ekki nógu mikinn hagnað af sér, er mikilvægt að geti ekki gengið áfram. Það er slæmt fyrir okkur Íslendinga að vera með Fjármálaráðherra sem er eindreginn stuðningmaður Bankamannanna og gerir allt fyrir þá eins og færa þeim heimili Landsmanna á silfurfati.

Það þarf að taka þessa vísitölu sem og verðtryggingu í burtu. Hafa bara vexti. Það þarf hugsanlega að enduskipuleggja allt bankakerfið hérna. Setja nýtt að stað og núllstilla landið. Láta gamla kerfið rúlla yfir á eigin spillingu sem það mun gera ef hinn almenni launþegi tæki öll sín viðskipti í burtu og færi með annað.

Það er ekki hægt að líða það að hvorki Fjármálaráðherra né Félagsmálaráðherra skuli ekki taka upp hanskan fyrir okkur fólkið í landinu, það á ekki að fresta einu eða neinu varðandi uppboðs ölduna sem er að fara af stað á heimilum landsmanna og bílaflota vegna niðurstöðu þessa dóms frá Héraðsdómi, sem ætti að gera tafarlaust þar til Hæstiréttur fellur dóm. Gylfi Magnússon segi ekki tímabært að grípa inn í með aðgerðir fyrr en Hæstiréttur hefur sagt sitt, ef það hefur einhverntíman verið þörf á að Ríkistjórnin grípi inn í þá er það núna í formi þess að láta öll heimili sem eru í hættu vegna þessa njóta vafans þar til annað kemur í ljós. Það á ekki að láta bankanna njóta vafans á kostnað heimilana. Vanhæf Ríkistjórn.

Það er ekki hægt að peningagræðgi stjórni því að meiri hluti Íslendinga geti ekki séð fyrir sjálfum sér og sínum, og ekki bara Íslendingar heldur stór partur af heiminum sem getur ekki átt þak yfir höfuð sér og fjölskyldu hvað þá fyrir mat og klæðum.  Þetta vald sem þetta orð peningar hafa þarf að laga, og allir sem einn að gera sér grein fyrir því að peningar eru ekki allt og færa ekki hamingju þó nauðsynlegir eru.

Það er mikilvægt að við treystum og trúum Dómstólum, eins og það er mikilvægt að siðferði okkar sé í lagi sem og það sem er rétt sé rétt eins og rangt er rangt.  Kveðja.

„Dæmalaust að svona nokkuð geti gerst“

Hverslags er þetta...

Þetta er alveg ótrúlegt allt saman að lesa, það virðist vera allt í lagi að þessir Ráðherrar tjái sig um málefnin er varða okkur Íslendinga erlendis, en það má ekki segja orð um stöðuna í okkar eyru hérna innanlands....

Fjármálaráðherra er vanhæfur í vinnu á Icesave málinu leyfi ég mér að segja, vanhæfur vegna þess hvernig vinnan hans í þessu máli er búin að vera.

Hann hefur allt að verja í stöðu sinni varðandi Icesave málið, persónu sína sem og orðspor vegna fyrri vinnu sem og yfirlýsingar sem hann hefur gefið frá sér.

Þjóðin vill ekki fara þessa leið sem Ríkistjórnin vil fara... og hver ætti að ráða för þar aðrir en við ?

Hann á að segja af sér tafarlaust vegna þessa. Sem og margir aðrir innan Ríkistjórnar vegna allra þeirra yfirlýsinga sem gefnar hafa verið um þetta Icesave mál. Svo ég nefni nú einhverja þá kemur strax í huga mér þessi fögru orð um hversu glæsilegur samningur þessi samningur átti að vera, svo glæsilegur að við áttum ekki að finna fyrir honum, og ef einhvað var þá lá við að hann ætti eftir skapa hagsæld bara ef hann verði samþykktur... 

Annað reyndist nú koma á daginn þegar opna átti þennan góða lánasamning, það var ekki gert átakalaust eins og við öll vitum, og er sú opnun búin að leiða okkur í þau spor sem sem við stöndum í dag. Vitum að það er ekki okkar að borga þessa einka óreiðuskuld sem Ríkistjórnin er búin að breyta í lánasamning ætlaðan okkur til greiðslu. Segjum NEI við þessu, hingað og ekki lengra þetta er ekki okkar að borga, þessi Ríkistjórn er vanhæf til þessa verks vegna þessa vinnubragða. 

Höldum vöku okkar, það er réttur okkar að kjósa nema VIÐ samþykkjum annað.  Kveðja

Áform um Icesave í Frakklandi

Sorgleg staðreynd...

Ég veit eiginlega ekki hvort maður á að hlæja eða gráta þegar maður sér svona varnarflutning vegna mistaka sem gerð hafa verið og leiðin ekki gengið upp.

Þessi orð Indriða H Þorlákssonar um að Einkaréttarlegur lánasamningur hafi ekki verið ný nálgun Svavarsnefndarinnar heldur arfur frá Kristrúnu og félögum segir mér og væntanlega okkur öllum hinum að Ný nálgun á þessum Icesave lánasamningi sem Svavarsnefndin hafði í hendi sér að stíga hafi ekki verið valin, heldur sú leið að fylgja fyrri sporum... og í hvaða stöðu er Ríkistjórnin núna vegna þessa ákvarðana sinna...

Það var og er algjörlega á ábyrgð núverandi Ríkistjórnar þessi leið sem var valin.

Þrátt fyrir að hafa haft allt í hendi sér í að setja NÝJA NÁLGUN á þetta Icesave eftir að viðræður lognuðust útaf í janúar 2009 hjá óstarfhæfðri Ríkistjórn eins og Indriði segir þá valdi Ríkistjórnin að fylgja fyrri sporum og engin annar. 

Vanhæf Ríkistjórn segi ég sem á að víkja tafarlaust vegna þessara stefnu sem hún tók í andstöðu við kosningarloforð sitt, og við vilja þjóðarinnar.  Kveðja.

Icesave-samningar í raun gerðir í desember 2008

Hvaða möguleika...

Það væri áhugavert að fá að heyra hvernig Utanríkisráðherra sér stöðuna í þessu Icesave máli, eftir allt það klúður sem þessi Ríkistjórn er búin að verða uppvís að varðandi þetta Icesave mál sem er núna búið að vera í rúmt ár í höndum hennar.

Einnig væri gott að heyra þessa möguleika sem hann talar um að Íslensk stjórnvöld sjái sem lausn í þessari deilu...

Hvaða möguleika er hann að tala um... Hann gæti kannski komið fram fyrir þjóðina og sagt okkur þessar lausnir sem stjórnvöld eru að sjá sjálfur ...

Réttur okkar um niðurstöðu í Icesave er í okkar höndum, og hvort við þjóðin treystum okkur til að taka þessar byrðar á okkur. 

Það er ekki hægt að þröngva þessum óreiðureikning á herðar okkar.

... bara vegna þess að ...

Stöndum saman um hag okkar, þetta er okkar framtíð sem er verið að tala um, barna okkar og afkomendur. Þetta er landið okkar og okkur ber skylda til hugsa um hag þess sem og okkur þjóðarinnar.

Það er ekki okkar hagur á neinn hátt að láta troða á okkur.  Kveðja.

Ræddi við Miliband um Icesave

Hvað er búið að gera af kosningarloforðunum...

Ár búið og hvað er búið að gera... Ekkert fyrir fjölskyldurnar í landinu annað en skerðingu á lífskjörum í allri sinni mynd. Það er búið að flækjast fyrir mér að vera alltaf að skrifa um neikvæða hliðar á málefninu, og hafði hugsað með mér að reyna nú að fara að sjá það jákvæða í staðinn... En með þessa frétt sem og hinar þá er ósköp erfitt að finna jákvæðar aðgerðir sem Ríkistjórnin er búinn að gera á þessu ári. Þegar ég lít yfir farin veg og skoða þessi fögru kosningarloforð sem Ríkistjórnin gaf þjóðinni ef hún yrði kosin, svo ári seinna þá er náttúrulega eðlilegt að skoða þessi loforð og sjá hvað er búið að framkvæma af þeim....

Hún er ekkert búinn að gera til að hjálpa heimilunum í landinu, ekkert búinn að gera til að rétta stórum hluta fyrirtækja hjálparhönd. Ekkert búinn að gera til að auka framreiðslu í landinu né atvinnu.

Það sem hún er búinn að gera fyrir utan að hækka skatta og álögur, er að senda inn umsókn um aðild að ESB fyrir Ísland, bjarga Bönkunum til baka í hendur þeirra sem töpuðu þeim á okkar kostnað. Bjarga Sjóvá á sama hátt og Bönkunum á okkar kostnað líka. Vinna hörðum höndum reyndar í að reyna að troða Icesave á herðar okkar, Þessa miklu óreiðuskuld sem Ríkistjórnin hafi sem aðalkosningarloforð sitt, það væri ekki okkar þjóðarinnar að borga þann óreiðureikning sem aðrir ættu, mikil vinna er búin að fara í það hjá Ríkistjórninni að ætla okkur að greiða það, heilt ár og sú vinna komin á upphafspunkt aftur. Helst hefði Ríkistjórnin kosið að geta komið þeirri óreiðuskuld á okkur í þögn í það minnsta, úr því að henni tókst ekki að lauma því inn bakdyra megin á herðar okkar.

Ríkistjórnin er svo gjörsamlega búinn glata öllu sínu trausti sem þjóðin hafði til hennar í upphafi. Þessi Ríkistjórn er búinn að ljúga fram og aftur að okkur þjóð sinni, og það sem verra er fyrir hönd annarra þjóða finnst manni. Þessi Ríkistjórn er að setja stóran part af þjóðinni út á gaddinn kaldan með þessu aðgerðarleysi sínu. Svo ég er sammála því í þessari frétt að heilt ár er farið í súginn.  Kveðja.

 

„Heilt ár farið í súginn“