Jólagjöfin í ár að ósk fjárlaganefndar.

Þetta er nú meira bullið allt saman, að nauðsynlegt sé að ljúka Icesave-málinu með því að samþykkja óbreytt fyrirliggjandi frumvarp um Ríkisábyrgð vegna lánasamninganna við Breta og Hollendinga.

Það er í mesta lagi að fyrirvaranir sem voru samþykktir í sumar með ríkisábyrgð á þetta frumvarp haldi algjörlega óbreyttir.

Það er verið að fara fram á nýja Ríkisábyrgð sem felur í sér greiðslur á allar innistæður allra ICESAVE reikninganna algjörlega óháð upphæð. Það er verið að fara fram á að við borgum líka einhverja milljarða í lögfræðikostnað vegna leiðar sem hefði hugsanlega verið farin, það er verið að fara fram á að við borgum svimandi háa vexti af þessu öllu saman árlega, en byrjum ekki að borga af láninu sjálfu fyrr en eftir hvað 7 ár var það, er sjálfsagt komið niður í 6 ár núna. Það er verið að fara fram á að allir Íslendingar fari í ánauð næstu áratugina.. Allar tölur segja okkur Íslendingum að við munum ekki geta þetta, en samt vil Ríkistjórn okkar okkur þetta, vitandi að Það er hægt að fara svo margar aðrar leiðir, vitandi það að lagalega staðan okkar er alltaf að verða sterkari og sterkari með okkur í því að þetta er ekki okkar að greiða á neinn hátt. Vitandi það að við Íslendingar erum samt tilbúin að gera allt okkar til að geta komið á móts við þá sem töpuðu, í greiðslu á lámarksríkisábyrgð meðvituð um að það var ekki nein ríkisábyrgð á þessum reikningum.

Það er veðsetning í öllum eigum okkar Íslendinga,  Bretar og Hollendingar hafa ekki gefið okkur neina ástæðu sem segir að þeir séu trúverðugir... Þeir hafa beitt hryðjuverkalögum á okkur, Þjóð sem hefur ekki her, þeir eru búnir að hóta okkur í allar áttir sem og Ríkistjórn okkar ef við ekki þetta og ekki hitt... Okkur sem er verið að fara fram á að borga þessa óreiðuskuld Icesave finnst þetta óréttlát sem það er, og ekki rétt, við erum ekki þau sem ollu Icesave skuldinni... Við erum ekki þau sem rændu eigum annarra.

Alþingi hafnið þessu þið getið ekki gert okkur þetta, og voruð ekki kosin til að vinna þessa vinnu, standið með okkur þjóðini  sem treysti ykkur í kosningunum.

Ég vil ekki þessa jóla og áramótagjöf Ríkistjórnar, og hafna henni með þeim orðum NEI takk, en þakka samt fyrir hug til mín...  Innilegar jólakveðjur til ykkar allra.    Kveðja.

Nauðsynlegt að samþykkja Icesave

Heppni í óheppnina.

Það er örugglega sorglegt og erfitt fyrir Ríkistjórnina að gjöfin sem hún vildi gefa okkur fólkinu í Jólagjöf varð ekki tilbúin.

En ég get huggað Ríkistjórnina fyrir mína hönd og alls fólksins míns með því að segja henni að svona gjafir viljum við ekki, eigum alveg nóg af þeim um hver mánaðamót, og þurfum ekki meir. Eins og á væntanlega við fleiri líka.

Það er sorglegt að þetta skuli vera í þeim farvegi sem er.

Verð ég að segja að mikið óska ég þess að öll Ríkistjórnin fá nú góðan og nægan svefn, góða næringu í kroppinn sinn, tala nú ekki um að hún geti gleymt stund og stað í faðmi fjölskyldu sinnar. Fjölskyldan okkar er eitt af því dýrmætasta sem við eigum, vona ég svo innilega að Ríkistjórnin geti fundið frið sinn og ró í faðmi sinnar fjölskyldu, því sú stund er okkur öllum dýrmæt, og fara þær stundir kannski þverrandi ef af verður sem líkur virðast verða á.

Það verður að sjá ICESAVE frá réttu ljósi, þess vegna segi ég við Ríkistjórnina, gott frí ætti að snúast um að gefa góðan svefn, góða næringu og hamingjustundir í faðmi fjölskyldunnar sem fá menn jafnvel til að gleyma stund og stað, og þá hleðst batterý aftur upp, og kraftaverkin jafnvel birtast manni í ýmsum myndum og leiðum. Maður jafnvel sér hina ýmsu hluti og málefni í öðru ljósi.

Óska Ríkistjórn okkar gleðilegra Jól.   Kveðja.

Óskýrir samningar og án öryggisákvæða

Svik ofan í svik.

Var þessi breska lögmannsstofa Ashurst fengin til að semja frumvarpið og samninginn um Icesave fyrir hönd okkar Íslendinga með hag okkar í huga ?  Vorum við ekki látin halda að fjárlaganefnd væri pung sveitt við gerð þessa frumvarps og samnings langt fram á kvöld sólahring eftir sólahring.. Að þeir sem búi til samning sem er svo farin í gang og ágreiningur rís um, verði fengnir seinna til að meta gildi hans geta aldrei talist hæfir vegna persónulegra árekstra þar sem gætu komið upp, eins á við um frumvarpið.

Hvaða orð Steingrímur J Sigfússon lætur út úr sér um bresku lögmannsstofuna Mishcon De Reya er ljótt að heyra, og svona orð lætur særður og vonsvikinn maður út úr sér.

Hvers vegna Össur Skarphéðinsson fékk þessa lögmannsstofu Mischon De Reya til að vinna fyrir sig, og hvers vegna hann ákvað að stinga svo niðurstöðu þeirrar vinnu undir stólinn vil ég fá greinarbetri skýringu á en hann hefur gefið. Þetta er há alvaralegt mál, það er verið að tala um að setja okkur í ánauð langt fram í áratugi. Unga fólkið okkar börn eða barnabörn, munu ekki eiga sér viðreisnar von ef foreldrar þeirra sjá ekki að sér og flytja búferlum erlendis, ef Icesave verður samþykkt í þeirri mynd sem Það er í dag á okkur til að greiða. Höldum vöku okkar, hún er þörf núna.  Kveðja.

Samkomulag í Icesave málinu rofið

Hvert fór forðinn...

Mér verður spurn eftir alla umræðuna sem var um daginn vegna gjaldeyrisforðans okkar og hversu stór hann þyrfti að vera, og þá kom bersýnilega í ljós að nægur var hann orðinn svo ég spyr hvert fór forðinn sem var komin meðal annars vegna lána sem voru tekinn þá til að styrkja hann....

Að nýtt lán verði tekið upp á 300 milljarða króna fyrir gjaldeyrisforða Seðlabankans til viðbótar við því SEM LÁ FYRIR Í LOK ÁRSFJÓRÐUNG 2009... er ég ekki alveg að skilja. Hvað er verið að gefa í skyn þarna, að sá forði sem lá fyrir sé ekki allur til staðar lengur.. getur það verið.. eða Útrásin að ....

Var ekki talað um eftir alla umræðuna síðast að gjaldeyrisforðinn okkar væri nægur þá, og við hefðum ekkert við stærri forða að gera... Hvar er Útrásin að vaxa svona núna... það er ekki vegna aukinnar atvinnu og uppbyggingu í landinu það er á hreinu, það er ekki vegna þess að það sé verið að hjálpa heimilunum eða fyrirtækjunum í landinu það er á hreinu.. Svo enn og aftur hvar er útrásin að vaxa svona svo að hún krefst stækkunar á gjaldeyrisforðanum okkar...

Það væri gaman að fá að sjá innlána lista Seðlabankans og Landsbanka frá því að Steingrímur J Sigurðsson tók við embætti fjármálaráðherra, og hver heildar tala sé í dag sem við skuldum í lánum...

300 milljarðir afskrifaðir vegna gjaldþrota annarra fyrirtækja en bankanna... er ekki alveg að skilja þetta, ég hefði viljað sjá hversu miklar afskriftir væru vegna gömlu bankanna...   Höldum vöku okkar hún er mikilvæg, það er nokkuð ljóst.  Kveðja.

Skuldum 5150 milljarða króna

Einu sinni en...

Búið að taka frumvarpið um Icesave út úr fjárlaganefnd hljóðar Fréttin.. A.T.H.  Hún hljóðar ekki.. Fjárlaganefnd búinn með vinnuna varðandi Frumvarpið um Icesave... Hver tók frumvarpið út spyr ég ? Það er líka ljóst að þessi frétt er skrifuð kl. 12.55 og í hádeginu voru enn að berast gögn, meðal annars nýtt mat frá Seðlabankanum.

Svo þessi orð að það sé enginn bragur á þessum vinnubrögðum eru alveg rétt. Þetta eru engin vinnubrögð sem venjulegur maður með metnað fyrir störfum sínum og heillyndi í fagmennsku myndi láta frá sér fara, hvað þá stæra sig af því..

Við heyrum ekkert nema hótanir út í eitt í allar áttir þessa dagana í von um að þessi Icesave reikningur verði bara samþykktur okkur til borgunar. Hlustum ekki á þetta, annað hvort samþykkja Bretar og Hollendingar það sem við komum fram með í sumar algjörlega óbreytt, eða þeir verða að hafa fyrir því að finna rétta eigendur af þessari skuld sem ætti náttúrulega að vera...

Gylfi Magnússon og Steingrímur J Sigfússon hafa báðir stigið fram og fullyrt að það hafi verið útkljáð við Breta og Hollendinga um að það mundi aldrei koma til að gengið yrði til þess að nýta veðrétt ef við gætum ekki borgað... Hefur önnur Breska lögmannstofan meðal annars gert athugarsemd við þetta atriði... Ef þetta er rétt sem Gylfi og Steingrímur eru að segja af hverju unnu þeir þá ekki í því að þetta ákvæði yrði tekið út úr frumvarpinu...

Ég bara spyr ætlast þessir menn til að við trúum þeim !!!

Ætlast þessir menn til að við trúum Bretum og Hollendingum eitthvað frekar eftir allar þessar hótanir og aðgerðir sem þeir hafa verið með í okkar garð....

Hverslags barnaskapur er þetta....

Ef Bretar og Hollendingar væru svo vissir um sína réttarstöðu í þessu máli þá væru þeir löngu farnir í málarekstur við okkur... Málið er nefnilega að við okkar sem er verið að krefja um að borga Icesave, rændum ekki þessum peningum og það vita Bretar og Hollendingar...Stöndum vörð um rétt okkar og höfnum þessu, þetta er ekki okkar skuld að greiða eins og ég hef marg sagt áður, nóg höfum við að greiða fyrir. Kveðja.

Icesave tekið út úr nefnd

Að ryðja brautina fyrir aðra getur verið í margri mynd.

Að ryðja brautina fyrir aðra getur verið í margri mynd segi ég. Ef Ríkið getur gengist í ábyrgð fyrir hlut Björgúlf yngri og fyrirtæki hans í þessu verkefni, þá getur ríkið alveg eins gengið inn sem hluthafi í staðinn í þetta verkefni og Björgúlfur settur út.(Að ganga í ábyrgð er að segja ég get borgað ef eigandinn getur ekki.) svo þess vegna segi ég þetta.

Það á að vera krafa okkar Íslendinga til Verne Holding að þeir finni annan fjárfestir í staðinn fyrir Björgúlf og fyrirtæki hans ef þeir vilja koma að þessu verkefni. Þjóðin á að krefjast þess. Við Íslendingar flestir okkar, erum aldnir upp í sterku réttlætu og siðferði, og þessi leið Ríkistjórnarinnar er hrópandi óréttlæti þar.

Að ryðja nýja braut er alltaf þarfaverk, en hverjir ryðja þá braut á ekki að vera sjálfsagt í svona braut eins og hér er verið að tala um. Það væri gaman að fá lista yfir fyrirtæki og verslanir sem þessi maður á í hér á landi, svo við Íslendingar sjálfir getum ákveðið hvort við viljum styrkja fyrirtæki hans eða ekki.

Það er hægt versla hina ýmsu þjónustu og vöru á hinum ýmsu stöðum. Verum vakandi Íslendingar yfir þessu, þetta hefur nefnilega líka með siðferði okkar og réttlæti að gera hvernig verður tekið á þessu. Að þessi leið skuli verða valin af ríkistjórninni sem hún er að fara, er alveg óskiljanleg nema hún persónulega hafi einhverra hagsmuni að gæta í þessu máli... Höldum vöku okkar.  Kveðja.

Samningur við Verne ryður braut annarra

Tvær Breskar lögfræðistofur...

Aðal hindrunin fyrir því hvort það væri hægt að fá EINA Breska Lögfræðistofu til að koma að þessu ICESAVE aftur var bæði tíma þröng og kostnaðarhlið...

Var ákveðið á Alþingi að leitað yrði eftir því að fá lögmannstofuna Bresku sem hafði komið að þessu áður fyrir okkur til að fá svör. En það er alveg greinilegt að einhverjir eru hræddir við þá niðurstöðu sem gæti komið frá þessari stofu núna, fyrri niðurstaða studdi málstað Íslendinga réttarfarslega séð í að fara dómstóla leiðina í þessu máli ICESAVE. En sú skýrsla var pöntuð af Össur Skarphéðinssyni sem stakk henni hratt undir stól eins og komið hefur fram áður.

Það sem slær mig hér er að það er talað um ICESAVE samningana... í fleirtölu.. við þessa Bresku stofu Ashurst, sem svarar í orðum sínum til baka eins og um fleiri en einn samning sé að ræða... í áliti frá þessari stofu er einnig talað um að um hefðbundna og sambærilega lánasamninga að mestu leiti.. EKKI ÖLLU. Hvaða ekki öllu er átt við langar mig að vita. Hið óhefðbundna snúi að ICESAVE málinu sem slíku.. Hvað er átt við óhefðbundna sem snýst að ICESAVE... Er þá verið að tala um það sem er að gerast.. og þjóðin er að mótmæla.. að það sé ekki verið að rukka rétta eigendur af þessum ICESAVE reikningi, og þjóðin vill ekki borga þeigjandi og hljóðalaust, því henni finnst gróflega verið að brjóta á sér með þessu..  Getur einhver leitað eftir þessu um hvað er átt við...

Á eftir að berast svar frá Bresku lögmannsstofunni Michonde Reya um sama mál... Af hverju þarf tvær stofur fyrir sömu spurningar... Getur verið að það sé komin samkeppni manna á milli í Ríkistjórn og á Alþingi um þetta ICESAVE... ef svo er þá verður að stoppa þetta strax, og það gæti útskýrt þessi vinnubrögð í þessu máli, það er allavega ekki verið að hugsa um að réttir eigendur á þessum reikningi borgi hann...  Höldum vöku okkar yfir þessu, það er ekki þjóðarinnar að borga ICESAVE nóg höfum við að skuldum fyrir...  Kveðja.

Breytt löggjöf hefur ekki áhrif á Icesave

Hvað er að gerast...

Ég segi bara ja hérna... hvað er í gangi hjá Fjármálaráðherra vor. Kannski er hann bara ekki að höndla stöðuna eins og hún er, hann ekki búinn að sníða skattarlagabreytinguna og frumvarpið til enda, eða einhver annar fyrir hann, það gæti útskýrt þessi vinnubrögð svei mér þá, en að segja að það sé ekki tímabært að greina frá hvaða skattabreytingar séu fyrirhugaðar á skattafrumvarpinu sem hann vill fá samþykkt núna, nær náttúrulega engri átt, það er lágmark að fá að vita hvað á að samþykkja áður en samþykkt er. Spáir að vísu í að menn muni sjá að þessar breytingar einfaldi eitthvað...Þarna kemur fram að hann veit hvaða breytingar er um að tala, en að það sé ekki tímabært að birta þær finnst mér öllu alvaralegra og liggur við að það setji að manni hroll...

Hvaða breytingar það er verið að tala um eigum við rétt á að vita... það er ekki verið að þrengja venjulega að okkur fólkinu hér, svo ef það er verið að tala um meiri þrengingar að okkur þá eigum við rétt á því að vita það.. Þessi maður er rúinn trausti hjá meiri hluta þjóðarinnar, svo allt upp á borð í þessum skattamálum, áður en það verður samþykkt.

Það verður ekki bæði sleppt og haldið segir Fjármálaráðherrann sem er Jarðfræðingur að mennt ..Athugið það.. og er að sleppa þessum ÚTRÁSA AUMINGJUM sem rændu og tröðkuðu á Íslenskum almenningi sem og öðrum með að ræna bankann sinn, þessir aumingjar vilja fá skattarafslátt, fyrirgreiðslu frá bankanum sem þeir rændu, en er því miður segi ég Ríkisbanki landsins í dag þannig að það er verið að fara fram á að við göngumst í ábyrgð fyrir þessa aumingja hér... þeir koma til með að fá ódýrara rafmagn líka, á sama tíma og það er verið að hækka það til okkar sem og aðra, svo á okkar kostnað hérna líka.

Nei takk hingað og ekki lengra segi ég og vonandi fleiri.. Þjóðin er að horfa á alvaralega siðblindu eiga sér stað hérna, og það verður að gera eitthvað í því... Allt á að vera á okkar kostnað, svo mikin kostnað að fólk hefur kiknað, er að kikna og aðrir byrjaðir að bogna.

Enn og aftur það er verið að tala um  líðan okkar og velferð, hvort við getum almennt átt fyrir reikningum okkar og útgjöldum, hvað þá fæði og klæði á okkur og okkar, að ekki sé nú talað um annað. Það er verið að taka almenn lífskilyrði af okkur hérna á kostnað útrásaaumingjanna af Ríkistjórn okkar, og það er ekki í lagi.

Svo Siðblinda segi ég og ætti þjóðin að krefjast þess að ríkistjórnin verði sett í greindarvísitölupróf hið fyrsta í beinni... Það er ekkert sem réttlætir svona vinnubrögð af Ríkistjórn sem á að lúta vilja Alþingis sem á lúta vilja þjóðarinnar. Það er eitthvað að í heilabúi fullorðinna manna hér ef ekki er um veikindi að ræða, og ekki höfum við heyrt af svoleiðis. Svo þá er þessi hegðun farin að minna mann á óþekkann krakka sem fær ekki sitt, og hver eru viðbrögð hans.. Jú reiði út í þann sem reyndi að stoppa hann. Hverju vorum við að mótmæla á sínum tíma.. jú að ICESAVE lendi ekki á herðum okkar meðal annars, og það er nefnilega málið...

Hverjir eiga þessa ICESAVE skuld verður þjóðin að fá að vita. Allt upp á borð með innihald Landsbankans... Lánabók eigandaskrá og starfsskrá og bara allt sem er upp á borð fyrir augu þjóðarinnar, og það er hún þjóðin sem á að ráða hvort vilji taka þátt í þessu sukki og svínarí, eða hvort hún þjóðin vilji vaxa og dafna áfram í andlegum sem og veraldlegum auð.  Höldum vörð um sjálfstæði okkar og Ísland það er okkar enn.  Kveðja..

Breytingar á skattatillögunum

Mikil kona.

Eg hef tröllatrú á þessari miklu konu sem Eva Joly er, og efast ekki um að hún hugsi um hag okkar Íslendinga hér. Það er komin tími að einhvað fari að gerast í þessum málum.

Þá er líka alveg ljóst að þetta er mál sem er ekki þægilegt fyrir núverandi Ríkistjórn, annars væri þetta ekki svona, mesta hörmungarmál Íslandssögunar sem hefur gerst og sjálf Ríkistjórnin vildi jafnvel ekki láta rannsaka það, og reynir nú af öllum mætti að fá lok lok og læs á gögn og skjöl um þennan banka, á sama tíma og er verið að reyna að troða öllum skuldum þessa banka á herðar okkar, og við eigum ekki einu sinni að fá að vita fyrir hvaða AUMINGJA við erum að borga.Nei takk allt upp á borð.

Rétt á að vera rétt hér, og það er aðalmálið... Kveðja.

Árangurs að vænta fljótlega

Það á að láta okkur borga...

Það kemur ekki annað til greina en að allt, allt saman verði lagt upp á borð fyrir þjóðina í þessu máli. Lánabók Landsbankans upp á borð, allir skráðir eigendur bankans upp á borð fyrir þjóðina.. Það er verið að segja þjóðinni að hún sé nógu góð til að borga allar óreiðuskuldir þessara aumingjans manna, svo þá er réttur þjóðarinnar á móti að fá að vita fyrir hvaða aumingja hún á að borga...

Sýnum samstöðu og mótmælum þessu. Austurvöllur kl. 3 í dag.  Kveðja.

Fjölluðu um rannsóknarskýrslu