Vonandi gerist það hjá fleirum en Atla...

Trúverðugleiki verður að vera og vegna hans í kosningarloforðunum hjá VG þá voru þau kosin.

Að þau skuli stíga fram og segja sig frá þessu Ríkisstjórnarsamstarfi er virðingarvert og mættu fleiri taka þau til fyrirmyndar vegna þess að trúverðugleiki er mjög mikilvægur í lífi okkar og þau gera sér grein fyrir því.

Það sem Atli kemur inn á varðandi ESB er alveg hárrétt hjá honum og mjög alvaralegt, og segi ég að þjóðin var öll blekkt með lygavef um að eingöngu væri um ESB viðræður að ræða. Þegar þetta varð til umfjöllunar á sínum tíma þá reis Össur Skarphéðinsson Utanríkisráðherra manna fremstur fram og sagði að eingöngu væri um ESB viðræður að ræða og líkti hann viðræðunum við það að þetta væri eins og að fara í kaffiboð til frænku og ræða daginn og veginn...

Þjóðinni var lofað því að tvær Þjóðaratkvæðagreiðslur fengi hún vegna ESB. Annarsvegar um það hvort ætti að fara af stað í þessar ESB viðræður eða ekki, og svo hinsvegar þegar viðræðunum yrðu lokið þá um það hvort ESB sé það sem við viljum eða ekki.

Þegar reyna átti á fyrri Þjóðaratkvæðagreiðsluna þá kom Jóhanna Sigurðardóttir Forsætisráðherra fram og sagði við okkur þjóðina, því miður það er bara til peningur fyrir einni Þjóðaratkvæðagreiðslu svo það verður bara ein kosning um ESB og hún yrði þegar viðræðunum yrði lokið...

Þetta gerir hún vitandi það að hún er með samþykkta breytingu á gildi einnar og aðeins einnar Þjóðaratkvæðagreiðslu um vilja okkar í ESB....

Það hafa verið 2. Þjóðaratkvæðagreiðslur síðan þessi Ríkisstjórn tók við og 3. á leiðinni og ekki fóru þær sem búnar eru glæsilega fyrir Ríkisstjórnina eins og við vitum, en það var til peningur fyrir þeim og það virðist vera til peningur fyrir einni annarri til hjá Forsætisráðherra sem boðar vilja um komandi Þjóðaratkvæðagreiðslu vegna Sjávarmála okkar...

Það er ljóst að Íslendingar kusu köttinn í sekknum í síðustu Alþingiskosningum og létu blekkjast á fögrum loforðum...

Lilja og Atli fara í einföldu máli vegna þess að Samfylkingin teymir VG á undan sér og hótar öllu íllu ef VG situr ekki og stendur eins og Samfylkingin óskar hverju sinni. Það er óhætt að segja að peningar stjórna hér fram yfir hag okkar og það er ekki hægt að líða lengur svona vinnubrögð í ljósi orða Atla og sérstaklega ekki vegna þess að Samfylkingin var fyrir...

Það á að draga þessa ESB aðildarumsókn Íslendinga tafarlaust til baka vegna þess að það er ekki stuðningur með henni frá meirihluta Þjóðarinnar og það á að krefja Ríkisstjórnina svara á þessum störfum sínum og boða tafarlaust til nýrra Alþingiskosninga. Nýrra Alþingiskosninga vegna þess að Ríkisstjórninni er ekki stætt lengur vegna þess að trúverðugleiki er löngu farinn og vonandi að þetta sé kornið sem fyllir mælirinn hjá fleirum en Atla Gíslasyni.

Yfirlýsingar Össurar kornið sem fyllti mælinn

Athugasemdir

[Birgir Guðjónsson (IP-tala skráð) 22.3.2011 kl. 22:28]

Heyr heyr !