Ríkisstjórnina burt takk fyrir...

Það hljóta fleiri en ég að vera orðin hálf orðlaus yfir því hvernig Ríkisstjórnin er búinn að koma fram við heimilin í Landinu, fyrirtækin í Landinu sem og einstaklingana í Landinu...

Ríkisstjórnin hlaut kosningu vegna þeirra loforða í orðum sem hún lofaði að hún myndi gera ef hún kæmist til valda...

Loforða um skjaldborg fyrir heimili og fyrirtæki Landsmanna, loforða um að allt verði uppi á borðum og það er ekki það sem er búið að vera...

Ríkisstjórnin fór beint í það að slá skjaldborg utan um fjármálageiran eins þjóðin hefur íllilega fengið að kenna á og er það ekki undir nokkrum kringumstæðum ásættanlegt lengur að þessi Ríkisstjórn sitji í sætum sínum...

Við erum með Viðskipta og efnahagsráðherra sem gengur erinda banka og vogunasjóða og það hefur ekki farið fram hjá neinum, hann gengur svo langt að hann fórnar heimilum og fyrirtækjum einstaklinga frekar en að ganga erinda Þjóðarinnar sem er samt sem áður launagreiðandi hans...

Við erum með Fjármálaráðherra sem gefur skít í allt saman og gerir allt til þess að halda sæti sínu frekar en að bjarga heimilum og fyrirtækjum Landsmanna eins og hann lofaði, og við erum launagreiðendur hans...

Við erum með Forsætisráðherra sem gaf það út strax frá sér í orðum að fjármál þjóðarinnar væri eitthvað sem henni kæmi ekki við, en við borgum henni samt laun...

Utanríkisráðherra sem bullar bara til þess eins að halda sæti sínu og fær laun frá okkur fyrir...

Það er alveg ljóst að þessi Ríkisstjórn gengur ekki erinda Þjóðar sinnar og vegna þess þá verður að víkja henni frá tafarlaust...

Það er gott að einhverjir standa með fólkinu í Landinu eins og Starfsgreinasambandið er að gera og ættu fleiri að fara í þeirra fótspor...

Gjörsamlega vanhæf Ríkisstjórn segi ég og er þetta sorglegt vegna þess að þetta er það síðasta sem við Íslendingar þurfum núna, það er Ríkisstjórn sem hefur ekkert annað gert en að grafa undan öllu trausti á sama tíma og hún kennir öllum öðrum um það...

 

Grímulaust óréttlæti

Athugasemdir

[Óskar, 14.10.2011 kl. 14:50]

Hvað viltu í staðinn?  Hrunflokkana sem stjórnuðu hér í 18 ár og komu okkur í þessa stöðu?  Það er bara tvennt í boði, núverandi ríkisstjórn eða glæpasamtökin sem komu þjóðinni í þetta helvíti.  Þá vil ég heldur hafa þessa stjórn áfram takk, enda er hún að reyna að þrífa skítinn upp eftir hrunFLokkana.

[Ingibjörg Guðrún Magnúsdóttir, 14.10.2011 kl. 15:00]

Óskar það liggur við að ég segi allt er betra en það sem er....

Ef þú Óskar ferð nú ofan í söguna á þessu hruni þá sérðu að þeir sem samþykktu þetta ólöglega lánaform á sínum tíma voru vinsta megin í stjórnmálum...

Það er eins og það sé verið að klára ránið núna með því að setja alla á hausinn og hirða það sem hægt er af fólkinu, fólkinu sem er þó samt sem áður nógu gott til þess að borga þessu fólki laun...

Svei bara og skömm...

[Óskar, 14.10.2011 kl. 15:05]

þú svarar ekki spurningunni minni- HVAÐ VILTU FÁ Í STAÐINN?  Svo er þetta ólöglega lánaform EKKI aðalorsök hrunsins, aðalorsökin er taumlaus einkavinavæðing og græðgisvæðing sem fram fór í boði sjálfstæðis og framsóknarflokksins.  Þetta er nú svo augljóst að ég hélt að það þyrfti ekki einu sinni að ræða það.   Hefðu bankarnir ekki verið gefnir til flokkshollra félaga í þessum flokkum þá hefði hrunið einfaldlega aldrei orðið.  Vinur þinn Davíð Oddsson er ekki að ástæðulausu kallaður HRUNKÓNGURINN.

[Jóhann Elíasson, 14.10.2011 kl. 15:05]

Algjörlega sammála og fyrir Óskar er best að það komi fram að það er ALLT betra en það lið sem er við stjórn núna.  Ég heyri það mikið að fólk er farið að ÞRÁað fá SjálfstæðisFLokkinn og Framsókn aftur í stjórn, þá gerist í það minnsta eitthvað í atvinnumálunum..................

[Ingibjörg Guðrún Magnúsdóttir, 14.10.2011 kl. 15:25]

Óskar þú tekur stórt upp í þig það verð ég að segja og ég svaraði þér á þann hátt að það væri allt betra en það sem er...

Ég vil fá fólk sem stendur við það sem það lofar. Ég vil fá fólk sem lætur sig Þjóðina og velferð hennar varða ekki banka eða vogunarsjóði...

Óskar það var ekki bara hrun hér á Landi eins og mætti halda eftir orðum þínum að dæma heldur varð hrun um allan heim þér að segja ef það hefur farið fram hjá þér...

Það sem kom hinsvegar fyrir hér á Landi líka var að þeir sem áttu þessa Einkabanka rændu þeim innan frá og er það meðal annars stór ástæða fyrir þessari erfiðu fjárhagstöðu sem við Íslendingar erum í og svo mikið veit ég að það var ekki Davíð Oddson sem átti þessa Einkabanka...

Þegar þú eða ég seljum eitthvað sem við eigum og lánum þeim sem kaupir af okkur í einhven tíma part af kaupverði þá gerum við ráð fyrir því að viðkomandi sem kaupir af okkur borgi og standi við gerðan samning...

Var það ekki það sem klikkaði hjá þeim sem keyptu þessa Banka... 

Vissulega var Sjálfstæðisflokkurinn meðal annars við völd þegar þessar bankasölur fóru fram, en Sjálfstæðisflokkurinn var ekki ástæðan fyrir því að kaupendurnir stóði ekki við gerða samninga...

Annars er þér vorkun Óskar að styðja þetta sem er núna vegna þess að það er bara rán í beinni...

Það er ekki einu sinni verið að fela það núna....

Og svona í endann og þér að segja Óskar þá þekki ég ekki Davíð Oddsson þannig að ég get ekki kallað hann vin...

[Ingibjörg Guðrún Magnúsdóttir, 14.10.2011 kl. 15:27]

Jóhann þú segir nokkuð...

[Óskar, 14.10.2011 kl. 16:02]

Þú ert ekki að ná þessu.  það var STEFNA sjálfstæðisflokksin, einkavæðingarstefnan beint úr blautri smiðju Hannesar gengisins sem varð þess valdandi að menn "seldu" bankana.  -eða réttara sagt gáfu FLOKKSHOLLUM GLÆPAMÖNNUM BANKANA.  Þessir glæpamenn, nánast allt sjálfstæðismenn, innvígðir og innmúraðir, settu bankana svo á hausinn og Davíð vinur þinn sem jú gaf vinum sínum Landsbankann, kórónaði svo ruglið með "ástarbréfunum" sem kostaði þjóðina hvorki meira né minna en 550 milljarða!! Eða margfalt Icesave,ekki að furða að sumir kalla hrunið Davesave.

[Soffía (IP-tala skráð) 14.10.2011 kl. 17:43]

Sammála þér! Ég vil þessa ríkisstjórn burt sem allra fyrst. Hún hefur ekkert gert í málum sem snúa að almenningi og er að takast að jarða atvinnulífið á þessu landi.

Stuðningsmenn ríkisstjórnarinnar hamra á því að ömurlegt sé að fá aftur "hrunflokkana" - við skulum ekki gleyma því að Samfylking var í stjórn áður en þessi tók við.

Ég vil svo sannarlega fá Sjálfstæðisflokkinn til valda aftur - og ekkert getur verið verra en það afturhaldsdrasl sem við höfum yfir okkur núna.

[Jóhann Elíasson, 14.10.2011 kl. 17:43]

Óskar þú ert skáldmæltur mjög og ættir skilið að verða útnefndur til Nóbelsverðlaunanna, en svo er líka um nokkuð marga "komma" svo sennilega yrðir þú að deila þeim með nokkrum álíka skáldlegum mönnum/konum.  Heift ykkar "kommanna" út í Davíð Oddsson er alveg sérstakt fenomen, ekki veit ég hvar þið væruð staddir ef þið hefðu ekki Davíð til að agnúast út í????

[Guðjón Sigþór Jensson, 14.10.2011 kl. 22:09]

Einu sinni skrifaði einhver í Morgunblaðið nöldurgreinar í áraraðir, gott ef ekki einhverja áratugi og undirritað „Húsmóðir í Vesturbænum“. Höfðu margir lesendur Morgunblaðsins gaman af. Vildu ýmsir telja höfundinn vera Magnús Þórðarson sem var framkvæmdarstjóri fyrir eitthverja hulduforretningu í Reykjavík. Töldu vinstrimenn hann vera sérstakan starfsmann Nató og nefndu „Nató-Manga“.

Mér finnst skrif Ingibjargar vera nokkuð keimlík nöldursgreinum „Húsmóðurinnar í Vesturbænum“ nema IGM fer nokkuð öðru vísi með réttritun en algengast er. Þannig er IGM óspör á stóru stafina í upphafi nafnorða þó engum heilvita manni detti í hug að rita þau orð með stórum staf sem hún vill.

Auðvitað er skoðanafrelsi í landinu og hver getur tjáð sig að vild. Hins vegar finnst mér reiði Ingibjargar beinast í ranga átt. Hún mætti skamma bankana og þá sem þeim ráða. Auðvitað vill enginn hrunmennina aftur í Stjórnarráðið, guð almáttugur forði oss frá þeim ósköpum og að það megi aldrei verða!

Góðar stundir.

Mosi

[Óskar, 14.10.2011 kl. 22:19]

Skondið Guðjón, ég hef einmitt hugsað það nákvæmlega sama þegar ég les skrif Ingibjargar, minnir óneitanlega á húsmóðurina í Vesturbænum sem dásamaði ultrakapitalismann í gríð og erg hér í denn!

[Vendetta, 15.10.2011 kl. 00:13]

Klapplið þessarar duglausu ríkisstjórnar, eins og t.d. Óskar, heldur að ríkisstjórnin sé að þrífa upp skítinn. En hún er ekki að því. Hún er einfaldlega orðin samdauna skítnum og þrífst bezt þar.

Hvenær ætla þessar hækjur auðvaldsins, Jóhanna og Steingrímur, að fara að gera eitthvað rétt? Ekki getur Óskar svarað því, hann á of annríkt með að lifa í fortíðinni.

[Ingibjörg Guðrún Magnúsdóttir, 15.10.2011 kl. 09:00]

Já Guðjón og Óskar þið segið það en ég get nú glatt ykkur með því að ég er ekki þessi húsmóðir í Vesturbænum og hef reyndar aldrei áður skrifað svona obinberlega fyrr en ég byrjaði á þessu bloggi...

Guðjón Ríkisstjórnin er sú sem er ábyrg á þessari stöðu einfaldlega vegna þess að hún lét lánasafn heimilana yfir til bankana á gjafvirði með leyfi til að innheimta fullt verð samt sem áður til heimilana svo þegar þessir Ríkisstjórnarmenn stíga fram og reyna að kenna bönkunum um klúður sitt þá veit þjóðin betur, það er staðreynd sem er greinilega erfitt fyrir ykkur Óskar að horfast í augu við það...

Óskar þú lest greinilega ekki vel vegna þess að ég segi að ég þekki ekki Davíð Oddsson og get ég ekki sagt að hann sé vinur minn. 

Vendetta þau væru búin að gera ef þau ætluðu sér og vegna þess að þau eru ekkert búin að gera annað en að kosta Þjóðina tómt tjón þá verða þau að víkja...

Þakka ykkur fyrir innlitið...

[Ingibjörg Guðrún Magnúsdóttir, 15.10.2011 kl. 09:03]

Já Soffía það eru margir samhuga og þér...

[Ingibjörg Guðrún Magnúsdóttir, 15.10.2011 kl. 09:05]

Óskar svona til að toppa þetta þá er alveg ljóst að græðgisvæðingin var hjá þeim sem að keyptu bankana...

[Vendetta, 15.10.2011 kl. 11:31]

Ég vil leyfa mér að skrifa eilítið um þessa blessuðu Vesturbæjar-húsmóður. 

Í framhaldi af því sem Guðjón skrifar, þá var sýnt fram á að Magnús væri á launalista NATO, enda hélt hann uppi hægrivængs-áróðri. En Magnús var ekki aðeins Húsmóðir í Vesturbænum sem skrifaði um dásemdir og mannelsku Bandaríkjastjórnar í Velvakanda, heldur skrifaði Magnús þar líka undir dulnefninu "Yngismær á Teigunum". Þessi meinta yngismær hafði gífurlega þekkingu á hernaðaráætlunum leppstjórnarinnar í Suður-VietNam og hrósaði Ngao Kao Ky í bak og fyrir. Ég var unglingur á "Viðreisnar"-árunum, þekkti bæði yngismeyjar og hægrisinnaðar húsmæður og vissi að engin þeirra myndi vera svo vitlaus að skrifa svona dellu dag eftir dag. Né hafði þessa innanbúðarþekkingu sem þessi "lesendabréf" afhjúpuðu.

Á þessum kaldastríðsárum máttu aðeins hægrimenn skrifa í Moggann, helzt aðeins flokksbundnir Sjálfstæðismenn. Í þessu andrúmslofti sem mótaðist af gagnkvæmu hatri birtust allar lygarnar frá Hvíta húsinu og Pentagon gagnrýnislaust í Mogganum og lygarnar frá Kreml birtust í Þjóðviljanum undir lúðrablæstri. Þetta breyttist til batnaðar þegar Matthías Johannessen varð ritstjóri Moggans. Hann reif blaðið úr heljargreipum flokksins, bauð kommúnistunum að skrifa í blaðið og birti viðtal við Jóhannes úr Kötlum um Sovét-Ísland. Þetta var kænskubragð, því að nokkrum árum síðar lognuðust bæði Tíminn, Alþýðublaðið og Þjóðviljinn út af.

Mogginn er í dag tiltölulega hlutlaust blað, það mega allir skrifa í blaðið. Það er ekki hægt að segja um málgögn ríkisstjórnarinnar (Fréttablaðið, Fréttatímann og sorpblaðið DV). Fréttablaðið er með grímulausan ESB-áróður og heldur stöðugt uppi falsaðri tölfræði um útbreiðslu blaðsins. Það trúverðugasta í Fréttablaðinu eru teknimyndasögurnar.