Svika-flokkur VG.

VG er í dag svika flokkur.

Eittt af kosningaloforðum þessa flokks var ekki inn í ESB, og hlaut þessi flokkur fullt af atkvæðum í síðustu kosningum vegna þessa kosningaloforðs. Á þessi Ríkistjórn að víkja tafarlaust hún hefur ekkert gert annað en að koma aftan að okkur Íslendingum með sviknum loforðum.   Kveðja.

Tuktar þingmenn Vinstri Grænna

Drögum umsókn okkar tafarlaust til baka.

Drögum umsóknina tafarlaust til baka. Það er ljóst að stór hluti þjóðarinnar vill ekki inn í ESB. Þetta ferli er ekkert annað en að kosta okkur Íslenska skattgreiðendur óþarfa pening á sama tíma og það er ekki til fjármagn eða geta hjá sitjandi Ríkistjórn í að gera eitthvað fyrir sitt eigið fólk sem kaus Ríkistjórnina í góðri trú til góðra verka. Þjóðin hefur ekkert að gera þarna inn. Það er ljóst að krónan á eftir að koma okkur til góða í framtíðinni og að taka evruna inn yrðu hin mestu mistök sem við gerðum. Það skiptir máli vegna þess hversu einangruð við erum að við höldum Sjálfstæði okkar sem og Fullveldi.

Það er eitt sem við Íslendingar munum aldrei eða seint sætta okkur við og það er að einhverjir út í Brussel geti sagt okkur hvað við meigum og getum, og hvað ekki. Það mun ekki fara eftir því hvað okkur og landi okkar er fyrir bestu hvað við meigum, heldur hvað hentar heiminum innan ESB og hvað vantar honum sem við eigum, hvernig getur ESB nýtt sér Ísland til bjargar ESB löndum á okkar kostnað en yrði þeirra hagur.

Það er líka ljóst að þessi Ríkistjórn nennir ekki að vinna verkin sem þarf að gera í landinu, allt snýst um að taka lán ofan á lán til einhverra framkvæmda sem koma til með að skila einhverju í þjóðarbúið eftir mörg ár, á sama tíma og það þarf að auka framleiðsluna á öllum þeim afurðum sem við getum svo velta fari í gang á réttan hátt. Bull og vitleysa segi ég, og er nóg að líta til þess hvernig ESB er að fara með fiskimið Skotlands núna og það er ekki það sem ég óska okkar framtíð, að vera komin í stríð yfir því hverjir eigi forgang á að veiða við okkar strendur. Og hvað þá að lenda í því eins og Skotar að allur veiddur fiskur komi ekki einu sinni að landi og skili þjóðarbúinu þeirra verðmætum.

Nei segi ég við ESB og vil að við fáum  þessa auka þjóðaratkvæðagreiðslu um það hvort við viljum í þessar viðræður eða ekki... Forsætisráðherra lofaði þjóðinni fyrir kosningar að tvöföld þjóðaratkvæðagreiðsla yrði það ef að það væri það sem að við þjóðin vildum...

Standa verður Forsætisráðherra við orð sín, það er mikilvægt að hún haldi einhverjum trúverðugleika í orðum sínum. Höldum vöku okkar í þessu mikla máli sem mun hafa allt með framtíð okkar að gera.  Kveðja.

Umsókn Íslendinga rædd í dag

Á að fara að væla aftur...

Fyrir mér þá er nóg að vita að þessi maður er einn af þessum sem nýtti sér þessa útrás í að fá nokkra tugi milljóna í vasann á okkar kostnað og þykir allt í lagi vegna þess að það var hann... Rúinn trausti segi ég. Hvað er svona miklu betra núna spyr ég í þessum Icesave...

Ég velti því fyrir mér hvort Ríkistjórnin hafi umboð til þessa verka... Setti Forsetinn ekki næsta skref í þessu Icesave í hendurnar á okkur Þjóðinni...

Það eina sem gæti réttlætt þessar gjörðir sem búið er að gera er að Ríkistjórnin hafi fulla vissu um að það sé betra í vændum en samningur 1.

Það er ljóst að Ríkistjórnin verður að víkja vegna vinnubragða sinna í þessu Icesave máli. Það er ekki hægt að við Íslendingar horfum á það að Ríkistjórn sem rúinn er öllu trausti og er búinn að hóta okkur Íslenskum skattgreiðendum í allar áttir ef að við samþykkjum ekki þennan góða samning sem hún hafði náð fyrir okkar hönd að hennar sögn fari vælandi í allar áttir núna í von um hjálp til að laga klúður sitt.

Það eina sem gæti hjálpað okkur Íslendingum núna er að ný Ríkistjórn taki við. Ríkistjórn sem er með bein í nefinu og þorir að taka upp hönd okkar Íslendinga í þessu máli sem og öðrum málum sem kunna að koma upp. Ríkistjórn sem hefur hag okkar í fyrirrúmi en ekki hag annara þjóða á okkar kostnað eins og er að gerast núna.

Burt með alla þessa spillingu segi ég það er annað sem á að hafa forgang en að Íslenska þjóðin verði sett í ánauð næstu áratugi vegna þess að yfirvöld í viðkomandi löndum stóðu ekki vakt sína. Það er ástæða fyrir því að þetta orð Ráðherraábyrgð er til í lögum, Það er nauðsynlegt að það verði siðferðislega rétt á þessu máli tekið og það er ekki með þessari leið sem er verið að reyna að fara hérna. Vanhæf Ríkistjórn sem á að víkja tafarlaust.  Kveðja.

Nokkuð góð staða

Fyrsti farin.

Spilaborgirnar byrja að falla. Spilaborgir sem hafa verið efstar á taflborði í að troða þessari Icesave óreiðuskuld á herðar okkar. Þetta er staða sem gæti hjálpað okkur Íslenskum skattgreiðendum í þessu mikla óréttlætismáli sem þetta Icesave er og ættum við að nýta okkur hana í að reyna að láta siðferði vera ofar sem og réttlæti.

Spilaborgir segi ég vegna þess að þetta hefur ekkert verið annað en leikur á borði. Holland fallið, Bretar sem önnur spilaborgin titrar, og þá Ríkistjórn Íslands þriðja. Segi ég Ríkistjórn Íslands en ekki Íslenska Ríkið vegna þess að Ríkistjórn Íslands hefur verið 3. aðilinn sem hefur verið að krefjast þess að við sættum okkur bara við þetta Icesave klúður sem varð, borgum þennan reikning með öllu tilheyrandi sem honum fylgjir hvort sem það er súrt eða sætt. Ríkistjórn Íslands á að víkja tafarlaust vegna vinnubragða sinna í þessu máli. Það er alveg sama hvað hún mun gera í þessu þá munu allar aðgerðir hennar mótast af að bjarga eigin skinni en ekki okkar þjóðarinnar.

Að við Íslendingar förum fram á að það verði farin dómstólaleiðin í þessu Icesave máli táknar ekki að við séum að hafna að standa ábyrgð á skyldu okkar, heldur erum við að segja.. það eru aðrir ábyrgir fyrir þessari stöðu en við Íslenskir skattgreiðendur. Þá finnst mér og fleirum ekki rétt að við séum látin gjalda fyrir misgjörðir annara, og tel ég að það sé verið að brjóta á mannréttindum okkar Íslendinga með þessari framkomu við okkur af Bretum, Hollendingum sem og Íslensku Ríkistjórninni án þess að vita það nákvæmlega, og er þetta mikið og alvaralegt mál. Bretar sem og Hollendingar vissu að þetta voru áhættureikningar sem þeir voru að fjárfesta í og Einkafyrirtæki þar að auki. Það getur aldrei verið rétt siðferðislega að við Íslenskir skattgreiðendur verðum gerð ábyrg fyrir þessari vitleysu. Höfnum þessu Icesave í þjóðaratkvæðagreiðslu tafarlaust þann 6.mars næstkomandi, og krefjumst þess að þessi Ríkistjórn víkji tafarlaust. Drögum umsókn okkar um aðild í ESB til baka, það má alltaf taka þær viðræður upp seinna en núna er ekki rétta forsendan hjá okkur. Það verður að fara að byggja upp framleiðslu í landinu og láta atvinnuhjólið fara að snúast. Það er ekki að byggja upp framleiðslu að reisa álver eða virkjun, það er kostnaður í hugsanlega eitthvað í framtíðinni sem ætti að skila arði seinna meir eða eftir nokkur ár, og það er ekki það sem kemur okkur til bjargar núna. Höldum vöku okkar það er mikilvægt. Ég er alltaf að segja að þetta er landið okkar Ísland og við þjóðin. Okkur sem þjóð ber að vernda landið okkar og ef við gerum það ekki þá hver...   Kveðja.

Afþökkuðu lokatilboð Bos

Upp á borð með samningin...

Hvernig hljóðar þetta gagntilboð sem Bretar og Hollendingar gerðu okkur Íslendingum ? Væri nú ekki nær að fá að vita hvernig það hljóðar áður en lengra er haldið í getgátum... Það finnst mér eiginlega nauðsynlegt eftir allt þetta.

Það eina sem gæti slegið Þjóðaratkvæðagreiðsluna út af borðinu er að Bretar og Hollendingar gerðu betri samning okkur í vil en samningur 1.

Mig langar að vita hvernig tilboðið hljóðaði frá okkur Íslendingum það finnst mér mikilvægt. Fáum að sjá hvort það er verið að stíga þetta eins og þjóðin vil, eða er verið að stíga þetta eftir geðþótta Fjármálaráðherra sem á allt undir sér í þessu og Forsætisráðherra sem á allt undir með að komast inn í ESB...

Stjórnarandstaðan segir að þetta sé ekki það sem hún lagði upp með...

Það er ekki hægt að vera með getgátur, en það lítur út fyrir að í raun hafi ekkert verið gert nema lengja í lánstíma og vextir lagaðir til á yfirborðinu en baktryggðir með álagsvöxtum í staðinn.. Það ættu allir sem geta að kjósa núna utankjörstaðar í þessu Icesave og segja NEI. Það er ekki okkar að borga þessa skuld. Þessi Ríkisábyrgð sem er verið að tala um að okkur beri skylda til að borga er ekki til staðar, og ef það á að fara fram á að við borgum hana þá verður það gert eftir að það er búið að innheimta allt sem er hægt að innheimta úr þrotabúi þessa fyrirtækja, eigendur þeirra komnir á bak við lás og slá og þá er hægt að athuga hvort við viljum koma á móts við þá sem ákváðu að fjárfesta glæfralega og töpuðu í borga það sem á vantar upp í þessa lágmarks ríkisábyrgð. Höldum vöku okkar það er nauðsynlegt núna.  Kveðja.

Jafnvel gagntilboð í dag

Rúin Trausti.

Þetta er með ólíkindum allt saman, maðurinn hefur verið uppvís að hverri lyginni á eftir annarri svo það er eðlilegt að allt sem hann segir eða gerir verði dregið í efa, þetta er farvegur sem hann sjálfur er búinn að koma sér í og enginn annar.

Það er komin annar samningur með betri kjörum og Ríkistjórnin á að víkja tafarlaust vegna þess. Þjóðin hefur ekkert traust til sitjandi stjórnar í dag og það var stjórnin búin að átta sig á fyrir þennan samning og þess vegna gaf Ríkistjórnin það út að ef að annar betri samningur fengist þá víkji hún, svo ég kalla eftir því að þessi Ríkistjórn víkji tafarlaust núna vegna þess.

Einnig vegna þess að það er ljóst að Ríkistjórnin ætlar ekki að fara þá leið sem að þjóðin vil fara og það er Dómstólaleiðin með þetta Icesave, það er ekki okkar skattgreiðenda að borga þessa óreiðu skuld. Skuld sem er einkaskuld þeirra sem að áttu þessa Einkabanka, og ekki nóg með það heldur erum við Íslendingar að horfa á það að þessum einstaklingum er hampað með framkomu sinni liggur við að maður segi og þeim rétt fyrirtækin sín til baka eftir tiltekt á okkar kostnað, af Ríkistjórn okkar, sem laug opinbert að okkur til að komast til valda með þeim loforðum að það væri ekki okkar Íslenskra skattgreiðenda að borga þessa óreiðuskuld.

Það er lágmark að þetta tilboð verði gert opinbert strax svo við Íslenskir skattgreiðendur getum séð hvað það er sem verið er að fara fram á að við greiðum og hvernig, það er verið að fara fram á að við borgum þessa óreiðuskuld svo rétturinn er okkar að fá að sjá áður en ákveðið er. Þessi Ríkistjórn er vanhæf til þessa verka vegna fyrri vinnuaðferða í þessu máli. Standið við orð ykkar og víkið tafarlaust svo það sé hægt að vinna réttu leiðina með þetta Icesave mál sem er Dómstólaleiðin. Höldum vöku okkar áfram það er nausynlegt fyrir okkur þetta er landið okkar við þjóðin, og það er óréttlát að við verðum látin taka þessar birðar á okkur og sett í þessa ánauð fyrir mistök annarra svo vægt sé til orða tekið. Kveðja.

Segir fréttina tilhæfulausa

Upp á borð með það...

Mér finnst þetta stórt mál ef rétt reynist og krefst þess að það verði leitað eftir því hvort svo sé að það hafi verið leynimakk á bak við tjöldin...

Ég get alveg sagt það fyrir mín hönd að þegar nafn Indriða kom við sögu þá hvarlaði ýmislegt að manni en það er svo alvaralegt ef rétt reynist að ég kastaði þeirri hugsun afturábak strax í ljósi þess að ég vil ekki trúa því að við séum með Ríkistjórn sem sé svo langt gengin í að verja eigin sæti, að allt er gert í að halda launum sínum. Svo mikið að svona vinna á bak við tjöldin sé framkvæmd...

En annað eins hefur gerst, svo það er mikilvægt að það verði fengið svar við þessum grun sem gefið er í skin hér tafarlaust ef að svo hafi verið í gangi. Tölum ekki um tímann og launakostnað sem farin er í þetta Icesave mál...  Höldum vöku okkar það er mikilvægt núna það er alveg ljóst... Kveðja.

Grunur um leynimakk

Þjóðaratkvæðagreiðslu strax...

Það er gott að Þjóðaratkvæðagreiðsla um vilja þjóðarinnar fari fram áður en raunverulegar aðildarviðræður hefjast.

Segi ég þetta vegna þess að allar skoðanakannanir sína að meiri hluti okkar vill ekki inn í ESB. Tæp 70% þjóðarinnar. Ef niðurstaðan um vilja okkar þarna inn reynist rétt samkvæmt því, þá er verið að fara að henda fullt af peningum í þessar viðræður út í loftið gæti maður sagt vegna þessa.

Það er ekki hægt þegar efnahagur Íslendinga er eins og hann er. Stöndum á rétti okkar og fáum að vita vilja þjóðarinnar  áður en lengra er haldið þarna.

 Við erum Sjálfstæð og Fullvalda þjóð og mikilvægt að við höldum vöku okkar núna. Ég segi nei við ESB og tel hag okkar miklu betri borgið utan þessa ESB. Kveðja.

ESB-viðræðunum ýtt úr vör í apríl?

Það var og...

Það var nefnilega það. Bretar farnir að fallast á eftirgjöf og hvað segir það okkur, jú einn samningurinn í viðbót hugsanlega ef allt heldur áfram eins og búið er að vera.

það sem á að gera núna er að Ríkistjórnin verði látin fara tafarlaust vegna vinnubragða sinna með þetta Icesave mál, það að Bretar séu að fallast á eftirgjöf segir að þeir eru ekki með hreint borð í þessari Icesave deilu. Segir okkur líka að nýjir samningar geti verið til staðar og það er annað en Ríkistjórn er búinn að reyna að telja okkur trú um að komi til greina.

Vanhæf Ríkistjórn sem er búinn að láta það glymra  í eyrum okkar að betri samningur verði ekki fengin og ef þessi Icesave samningur no.2 verði ekki samþykktur í þeirri mynd sem hann var (er enn) fari Ríkistjórnin í ljósi þess að betra getur hún ekki gert eða vilji gera fyrir okkur Íslendinga. Standi Ríkistjórnin við orð sín tafarlaust núna, Það er ljóst með þessum orðum frá Bretum að betri samning er hægt að fá.

Það sem Íslendingar eiga að gera núna er að kalla samninsnefndina heim í ljósi þessa. Gera Bretum og Hollendingum grein fyrir því að við munum fallast á þá greiðslu sem okkur ber, ef okkur ber eftir niðurstöðu  Dómstóla.

þessi Ríkistjórn er búinn að klúðra öllu sem hægt er að klúðra og á að taka poka sinn tafarlaust. Hún var rúinn trausti  fyrir þessar fréttir, og ef einhvað traust hefur verið eftir hjá einhverjum þá ætti það að fjúka með þessum fréttum, sem og fréttum frá Noregi þar sem segir að það sé aldrei Íslenskra skattgreiðenda að borga þetta einkasukk sem varð hjá þessum eigendum þessara Einkabanka. Höldum fast á rétti okkar það er mikilvægt fyrir okkur eins og er að sína sig núna. Þetta er Íslandið okkar og við Þjóðin, við erum Sjálfstæð og Fullvalda þjóð og vitum mun á réttu og röngu flest okkar ennþá og það er mikilvægt að hafa.  Kveðja.

Bretar fallast á eftirgjöf

Standa við orð sín...

Hann á að standa við orð sín sem og aðrir innan Ríkistjórnar. Það er siðblinda í gangi. Svo mikil siðblinda að það þurfti rúmt ár til að opna smá rifu á eyrun, sem virðist því miður vera að lokast aftur.

Það er ekki hægt að ætlast til að allir fari þá leið sem honum henntar, en það er búið að vera þannig þessi einstefna hjá honum, og þó að sú leið sem hann vill fara er ekki að hennta okkur á neinn hátt þá á að fara hana. Það getur engin séð gleði yfir því að tapa öllu sínu fyrir glæfraskap örfárra einstaklinga og á sama tíma og þeir sem eiga að passa og hlúa að hag okkar hendi okkur út á hafsauga til að geta falið betur þennan glæfraskap sem hefur verið..  Vanhæf Ríkistjórn sem á að víkja tafarlaust. Kveðja.

Icesave-deila hefur tafið endureisn