Vopnið sem notað er er BANN.

Hvað vakir fyrir ESB annað með þessu banni sínu en hótun til að ná sínu fram... er erfitt að skilja.

Það er ekki verið að hugsa um afkomu eða hag þeirra sem hagmuni hafa.

Nei Það er reynt að nota BANN sem vopn til þess að þessar þjóðir gegni því sem að ESB vill...

Er þetta það sem að við Íslendingar viljum spyr ég vegna þess að þetta er það sem koma skal ef í ESB verðu farið...

 Ekkert ESB segi ég....

Bann ESB skref aftur á bak

Athugasemdir

[Durtur, 6.9.2010 kl. 15:33]

Kanada og ESB eiga nú í viðræðum um önnur viðskipti uppá einhverja 27 milljarða dollara, þannig að það er spurning hvort þetta eigi að fara á vogina með því en það er ekki svo mikill peningur ($5,6m) í selnum að ég sjái það fyrir mér. Allavega eru báðir aðilar búnir að segjast munu vera kurteisir og tala ekki um "selamálið" meðan hin viðskiptin eru hanteruð.

Það breytir því þó ekki að þetta bann er alger firra; einhverjir þingmenn ESB halda að skepnurnar séu fláðar lifandi og með meðvitund og því skal banna afurðirnar. Hvernig í ósköpunum einhverjum dettur til hugar að fólk sé almennt nógu miklir kúkalabbar til að fremja svoleiðis óskapnað er ein spurning, en frekar mundi ég spurja hvernig þessir menn halda að maður geti fláð lifandi skepnu án þess að skemma feldinn, sem herlegheitin snúast nú um--ekki mundi ég éta sel dagslaglega á meðan ég kemst hjá því, allavega. (Það hefði kannski verið við hæfi að láta eitthvað af þessum upplýsingum fylgja fréttinni en það er líklegast búið að setja stafakvóta á þessa kappa sem skrifa þetta, miðað við hvernig hefur verið að lesa "fréttirnar" undanfarið.)

Mér finnst þetta því frekar sýna fábjánaháttinn sem við mundum þurfa að sætta okkur við ef við yrðum innlimuð í ESB með allann okkar atkvæðaþunga (var það 0.06% eða 0.6%?). Ekkert ESB, segi ég líka.

[Ingibjörg Guðrún Magnúsdóttir, 6.9.2010 kl. 16:48]

Sæll Durtur mér finnst þetta snúast um sjálfsbjargarviðleitnina hjá þessum þjóðum líka. Þar fyrir utan þá eru þetta fáránleg rök fyrir þessu. Það er ekki verið að hugsa um hringrásina í sjónum og veiða stærðirnar eftir því. Ég vil meina að það sé hringrás á milli þessa hvalveiði-banns og sela-banns sem er farin úr böndunum og á þátt í þessari fækkun á heilu stofnunum. Stór borðar minni sem borðar minnsta...

[Durtur, 7.9.2010 kl. 14:07]

Já mér finnst það raunar líka verið komið í undanlegan farveg; við megum blessunarlega ennþá grisja selinn (vona ég...) en hvalinn má varla snerta þó við séum í mikilli samkeppni við skepnuna--hér forðum var það alveg skilið að það þurfti að reyna að stjórna fæðukeðjunni í hafinu að einhverju leyti ef við ætluðum að vera að kippa svona veglegum hluta hennar upp til okkar átu. Það er t.d. ekki langt síðan ameríski herinn hjálpaði okkur við að grisja slatta af hval, af herskipum og úr þyrlum.

Svo finnst mér nú að það mætti aðeins betur skoða t.d. hvernig mikil Loðnuveiði getur gengið til langs tíma á meðan við ætlum að vera að veiða fiskinn sem étur hana--við erum í samkeppni um fæði við okkar helstu nytjastofna, neitum að grisja skepnurnar sem eru að taka mest úr þeim og skiljum svo ekkert í því afhverju nytjastofnarnir eru ekki stærri. Svo kemur ESB askvaðandi og heimtar að láta Makrílinn sinn éta svifið okkar og rauðátuna án þess að við megum snerta hann, ofan á allt annað...