Gott mál.

Það er gott að það er komin dagsetning á Þjóðaratkvæðagreiðsluna fyrir okkur.

Það verður ekki aftur snúið héðan í frá  það er að verða alveg ljóst, enda ætti það ekki að vera. Ríkistjórninni er ekki haggandi í sinni ákvörðun, enda með besta hugsanlega fáanlegan lánasamning að hennar sögn.

Það sem mér hefur fundist vanta alveg í þessari stöðu og í umræðuna er að það var til staðar að fara aðra leið með þennan reikning svo ég tali nú eins og hlutirnir eru í raun og veru. Reikningur sem er komin til vegna vítaverðs athæfi Fjárglæframanna sem áttu þennan Einkabanka þar sem öll þessi ósköp áttu sér stað. Lilja Mósesdóttir kom aðeins inn á þetta í Silfur Agli á sunnud. síðastliðinn um að Ríkistjórnin hafi ákveðið að fara þessa leið. Það að segja að við Íslendingar tækjum þessar klifjar á okkur og borgum þetta, frekar en þeir sem eiga þessa skuld með réttu.

Ég hef nefnilega alltaf verið þeirra skoðunar að það var farin röng leið í innheimtu á þessari skuld og þess vegna er þetta ekki að ganga upp, eins og er að sýna sig betur og betur dag frá degi þar sem kemur í ljós að það er ekki hreinlega hægt að fara framá að við Þjóðin borgum þessa skuld. Á sama tíma koma líka upplýsingar um hversu brotleg Ríkistjórnin er gagnvart okkur að ætlast til að þessar klifjar borgist af okkur með því að setja okkur í ánauð. ( varðar við lög að forsætisráðherra, fjármálaráðherra setji þjóð sína í ánauð fyrir aðra þjóð ) Kjarni máls míns hérna er af hverju var það ekki sett í hendurnar á okkur Þjóðinni strax í þjóðaratkvæðagreiðslu um það hvort við þjóðin værum til í að taka þessa skuld að okkur... Þetta er ekki okkar skuld hvað sem hver segir. Munum það og eins að við eigum rétt í þessu máli, það er mikilvægt fyrir okkur Íslendinga hér að það komi skýrt fram að RÉTT Á AÐ VERA RÉTT. Fjármálaráðherra hefur sagt sjálfur að við eigum bara að lúta óréttlæti og borga. Hann á mikið að verja sem og Forsætisráðherra sem eru búin að gefa innantóm loforð á okkar kostnað og virðast hafa getað keypt sér hvern frestin á fætur öðrum með þeim orðum að við munum borga þetta allt. Enda þau sem samþykktu og gáfu loforð án þess að vera með samþykki frá Alþingi sem varð að hafa til að gefin loforð gildi. Ríkisábyrgð. Ég mun segja nei, ég er ekki tilbúinn að láta komandi börn framtíðar Íslands setta í ánauð átakalaust. Þá tökum við Íslendingar því sem kemur í kjölfarið ef þjóðinni tekst að hafna þessu, það er betra að geta borið höfuð og herðar uppi, en þröngva sig niður í óréttlæti með annarra manna klifjum sem gefur brotna sál jafnvel í heilbrigðum líkama eins og við höfum fengið að sjá að er byrjað að gerast hér, við erum stolt og eigum ekki að skammast okkar fyrir það að segja nei hingað og ekki lengra og vilja fá réttlæti fram. Stöndum saman.  Kveðja.

Kosið 6. mars

Skammarleg ummæli Fjármálaráðherra.

Það sem hann Steingrímur lætur frá sér í orðum er engan veginn í takt við Ísland sem sjálfstæða þjóð með lýðræði í landinu.

Kvartar undan því að Íslendingar séu ekki tilbúnir að taka á sig drápsklifjar í sköttum og álögum vegna sukks og svínarí sem óábyrgir eigendur Einkabankanna ollu með aðgerðum sínum. Kennir jafnvel saklausum bankastarfmönnum um.

Það er vonandi að þjóðin öll segi Nei í þessari þjóðaratkvæðagreiðslu við Icesave 2.

Í fyrsta lagi þá ætlaði þessi maður að keyra þennan Icesave reikning í gegnum Alþingi algjörlega ólesin. Í öðru lagi þá skrifaði Steingrímur J Sigfússon undir þann samning í skjóli nætur án þess að vera með samþykki Alþingis og meirhluta Ríkistjórnar eins og átti eftir að koma í ljós síðar. Hann verður sjálfur að bera sína ábyrgð á þvi að vinna svona óábyrg vinnustörf. þetta er ekki vinnubrögð sem eiga að líðast á Alþingi, og hvað þá af Ríkistjórn...  Höldum vöku okkar öll sem ein. Þetta er okkar líf og okkar velferð sem er verið að leggja hérna að veði.  Kveðja.

NPR fjallar um Icesave-deiluna

Ólíðandi að gerist einu sinni en.

Hvað erum við Íslendingar að upplifa hér einu sinni enn..?

Jú Erlendir aðilar þurfa að verja orð sín vegna þess að Ríkistjórnin er einu sinni enn að tala út í loftið, og vill svo ekkert kannast við orð sín. 

Annað hvort er allt vitlaust og rangtúlkað sem haft er eftir Ríkistjórninni, eða menn svo heimskir og lítið gert úr menntun og áliti þeirra sem er ekki sammála henni.

Það er skömm fyrir okkur Íslendinga að við skulum aftur og aftur þurfa að horfa á svona vinnubrögð.  Kveðja.

Blaðamaður SvD stendur við fréttina

Spila sóló ennn..

Það sem vakti fyrst athygli mína var tímasetning fundarins.. kl. 20 um kvöld, svo vænta hefði mátt tíðinda hefði ég haldið út frá þessari tímasetningu. Það er samdráttur greinilega allsstaðar annarstaðar en hjá Ríkistjórninni. Fyrir mér þá bjóst ég við tíðindum öðrum en engum...

Fyrir mér persónulega, núna á þessum tíma sem við erum að ganga í gegnum allar þessar þrengingar og samdrátt í öllu hjá okkur, þá hefði þessi ,ekkert að frétta, fundur átt að vera að degi til ef fundarfrétta hefði þótt.

Það er gott að vita til þess að stjórnarandstaðan stendur enn með meiri hluta þjóðarinnar, og treysti ég á og vona að hún geri það áfram.

Þessi Icesave reikningur er ekki okkar og það má ekki gleyma því. Þeir sem bera ábyrgð á þessu öllu saman hvort sem það var eftirlit sem og stjórnvöld hérlendis eða erlendis, eða þeir eigendur og stjórnendur þessa einkafyrirtækis sem stal þessum fjármunum sem er verið að reyna að rukka okkur um verða að bera ALLA, og þá meina ég ALLA ábyrgð sjálfir á þessu. Það er ekki okkar þjóðarinnar að þrífa þennan skít eftir ykkur...

Því miður fyrir ykkur þá verðið þið sjálfir að bera alla þessa ábyrgð eins og ég segi. Íslenska þjóðin á alveg nóg með það sem hún hefur á baki sínu fyrir og á í fullu fangi með það allt saman. Hún er nú þegar að gjalda dýrum dómi afleiðingum af þessu ráni ykkar.

Stöndum á rétti okkar við eigum hann. Þetta er landið okkar og við þjóðin.   Kveðja.

Langur en rýr fundur

Er þetta það sem við viljum...

Það kemur einhvern vegin ekki á óvart að lesa þessa frétt að miða við hvernig allt er að fara og stefna hérna í atvinnu og uppbyggingar málum...

Akkúrat ekkert búið að gerast í aðgerðum á einn eða neinn hátt fyrir heimilin eða heiðarleg fyrirtæki, jú einhver sýndarleikur sem hefur dottið upp fyrir sig liggur við um leið og settur hefur verið á borð. Það er allt að stefna í þessa átt hérna algjörlega burt séð frá Icesave, eða þessarri aðildarumsókn inn í ESB, þá er eins og allt annað hafi verið núverandi Ríkistjórn ofviða að takast á við, atvinnumál, uppbygging aðhald eða hvað sem er. Svo þetta er það sem Íslendingar eru að stefna hratt inn í, og verður ef inn í ESB verður farið, má ég þá frekar biðja um að við höldum Sjálfstæði okkar og Fullveldi, höldum gjaldmiðli okkar við getum stýrt í gegnum hann, rífum upp atvinnuveginn, landbúnað, sjávarútveg aftur heim á sína staði, garðyrkju, ræktun á ýmsum afurðum, grænmeti, mjólkurvörur, vefnað, saumaskap, samhliða öðrum stórum verkefnum eins og gagnaverinu, nú það hefur komið áður fram hugmynd um að reisa aðra Áburðarverksmiðju aftur, það eru margar leiðir til í farateskinu, en það er eins og þjóðin hafi fengið högg einhverskonar, og lamast að hluta til, en það er komið eitt nýtt ár núna og sárlega vantar aðgerðir til að hrinda í gang lífi í þjóðina. 

Það virðist alltaf vera til peningur þegar kemur að Ríkistjórn að gera eitthvað sem hana langar, en ekki þegar kemur að því sem þarf fyrir okkur fólkinu...

Væri gaman en samt sorglegt að sjá hvar við myndum lenda í þessu Fátækramati þarna miða við stöðuna sem er í dag með öllu atvinnuleysinu sem er hér og öllum skuldum sem þjóðarbúið á...

Ég mun segja nei við ESB. Það er mikilvægara að við byggjum upp sterka og sjálfstæða einstaklinga sem hafa trú á sér, og sem þurfa ekki að skammast sín fyrir að vera til.  Kveðja.

Ójöfnuður mikill í Evrópu

Þykist vita betur...

Hann segir að Icesave deilan sé of flókið mál til að fara í þjóðaratkvæðagreiðslu...

Segir hana of flókna spurningu... varar jafnframt við afleiðingum ef Icesave verður hafnað, þetta er hann að segja í annarri frétt hér neðar á mbl.

Það er núna verið að tala um Icesave deilu... Deilu á milli hverja spyr ég ? Óreiðu skuld var þetta í upphafi og ekki nokkur vafi á því hver átti þá óreiðuskuld, Reikningur kom svo, lán síðan, svo samningur, lagagerð og núna deila, Icesave óreiðuskuld nokkra manna sem áttu einkarekstur er búinn að fá öll þessi nöfn.

Deila milli Ríkistjórnar og þjóðar.. JÁ. 

Deila milli Rikistjórnar Íslands og Breta og Hollendinga annarsvega, já gæti verið að myndast núna þar sem Ríkistjórn okkar er ekki að takast að rassskella okkur til hlýðni...

Við hinn almenni Íslendingur rændum ekki þessum peningum frá eigendum sínum, þeirra sem fjárfestu í þessum Icesave reikningum, svo hvernig má það vera að þetta sé deila eða reikningur okkar Íslenska almennings frá upphafi.

Þegar menn eru búnir að flækja mál svo langt frá upphafi að þeir sjálfir ráði ekki lengur við yfirsýnina yfir málinu þá eiga þeir að hafa vit á því að víkja.

þegar menn nenna ekki lengur eða vilja ekki lengur sjá málið frá upphafi þá eiga menn að víkja. 

Þegar menn telja sig vita betur en allir aðrir þá eiga menn að víkja, en þegar svo er komið fyrir mönnum þá hafa þeir sjálfir ekki vit á því að vita hvað er hverjum fyrir bestu, og þarf þá utanaðkomandi afl að koma til til að víkja mönnum frá sem telja sig vera Guð...            Kveðja.

 

Ekki of flókið árið 2003

Þetta er það sem ég kalla að hjálpa.

Þið eigið allan minn hug og styrk, og komið oft í huga mér núna, þetta er mikið og fórnfúst hjálparstarf sem þið eruð að vinna. Þetta er ómetanlegt sem þið eruð að gera þarna í hjálpar og björgunarstörfum fyrir alla, en jafnframt erfitt líka því við erum manneskjur með sál sem og líkama. Þið eruð dýrmæt í huga okkar hérna og eigið alla að baki ykkur. Munið sjálf eftir því að dagsverki loknu hversu verðug þið sjálf eruð fyrir störf ykkar. Gangi ykkur vel, en farið varlega í guðanna bænum.  Kveðja.

Rústabjörgun Íslendinga (myndband)

Komið nóg...

Hvað á hann við þegar hann segir þetta.. Betra en að deyja úr þorsta...

Að við Íslendingar gætum dáið úr þorsta ef við borgum ekki bara Icesave fyrir hann... Þetta eru ljót orð.

Svo ljót orð sem að fengju hvert smábarn til að gera það sem maður bæði það um með þessarri hótun. Að við Íslendingar af öllum þjóðum gætum dáið úr þorsta gerist ekki nema hann Steingrímur Jóhann Sigfússon  sé hreinlega nú þegar búinn að selja ALLAR vatnsauðlindir okkar. Ef þetta eru þær uppeldisaðferðir sem hann tíðkar á sínu heimili að hóta bara og hóta, þá skal hann halda þeim innan veggja síns prívats heimili og eingöngu þar. Það er nefnilega hægt að kæra þá sem beita kúgunum, og hvað er þetta annað en ein kúgunin í viðbót.

Farðu heim til þín hið snarasta, en segðu af þér áður, ég allavega læt ekki hóta mér svona til að samþykkja einhvað sem er ekki mitt einu sinni. Það er komið nóg núna.  Kveðja.

Betra en að deyja úr þorsta

Nýja Lagagrein takk fyrir.

Ef einhvað á að vera þá er það ný lagagrein.

Lagagrein þar sem allir Kosnir Alþingismenn sem og Ríkistjórn verði bundin að lögum til að vinna eingöngu og eingöngu að kosningarloforðum sínum sem þau eru kosin fyrir. Ekkert annað nema með samþykki þjóðar leyfi undantekningu frá þessari grein. Undirskrift með staðfestingu á þessum málefnum sem og markmiðum frá þeim. Miðast undirskrift við loforð hvers og eins sem hann eða hún hlaut atkvæðagreiðslu fyrir í kosningu eða flokkur í heild sinni. Ef viðkomandi einstaklingur eða flokkur verður uppvís að því að vinna að öðru þá gerir hann, hún sig brottræka frá vinnu sinni tafarlaust sem hann, hún hlaut atkvæðakosningu fyrir og þarf önnur kosning þá að koma til með nýjum samning til að viðkomandi geti starfað aftur við þessa vinnu. Er þetta mín hugmynd alfarið, um hvað gæti hjálpað okkur Íslendingum i þessari stöðu sem við erum í til að geta treyst aftur þeim sem við munum koma til með að kjósa til stjórnar fyrir okkur. Að við getum treyst er grundvöllur númer eitt.

Þetta myndi hjálpa okkur í að binda þá sem að við kjósum við kosningarloforðin sín og ekkert annað.  Stöndum saman um Land okkar Ísland það er okkar og við Sjálfstæð Fullvalda þjóð.  Kveðja.

Hin endalausa endurskoðun stjórnarskrár

Ekki að ræða borgun á þessum reikning Icesave.

Eftir að hafa lesið grein Jakobínu Ingunnar Ólafsdóttir Leyniskjal Ríkistjórnarinnar, þar sem hún þýðir nýjasta lekaskjal, þá er ekki að ræða það að við Íslendingar borgum krónu í þessu Icesave máli steinþegjandi og hljóðalaust, það er verið að brjóta á okkur mikið hérna...

Ríkistjórn okkar Íslendinga er að vinna í samvinnu við ESB, AGS, Breta og Hollendinga að því að láta okkur Íslendinga  blæða út fyrir óreiðu mikla sem aðrir en við eigum. Ríkistjórnin á að vikja tafarlaust vegna þessarra samvinnu hennar gegn okkur Íslendingum. 

Hvet ég alla til að lesa þessa grein Jakobínu Ingunnar Ólafsdóttir Leyniskjal Ríkistjórnarinnar, og vona ég að hún fyrirgefi mér að ég vitni í hana en fyrir mér þá er hún mikilvæg mjög og takk Jakobína fyrir hana. Sem og grein mína undir nafninu ESB,ESB  og ESB... Hvað er í gangi eiginlega ?

Höldum vöku okkar núna.. ef einhvern tímann hefur verið þörf þá er það núna. Þetta er Landið okkar og við Íslenska Sjálfstæða Fullvalda Þjóðin.  Kveðja.

Vextir Icesave 387 milljarðar